ДОНИШҶӮЁН БА ПАХТАКОРОН КӮМАК МЕРАСОНАНД

Хуҷанд, 26 сентябр. (АМИТ «Ховар», Санавбар Мақсудова).- Чанд рӯз пеш бештар аз 10 ҳазор нафар донишҷӯёни мактабҳои олӣ ва миёнаи махсуси вилояти Суғд ба пахтачинӣ сафарбар карда шуданд. Аз рӯи маълумоти Раёсати кишоварзии вилоят, ҳоло ҳар рӯз дар пахтазор қариб 60 ҳазор нафар кор мекунад. Аз ин ҷумла 19,7 ҳазор нафар ёрдамчиён мебошанд. Мухбири АМИТ «Ховар» хабар медиҳад, ки дар вилояти Суғд танҳо рӯзи 23 сен-тябр ба марказҳои қабул 2423 тонна «тиллои сафед» супорида шуд. Ин ба 1,41 фоизи нақшаи солона баробар аст. Дар ин ҷо аз аввали мавсим 30,44 ҳазор тонна пахта ҷамъ оварда шуд. Дар миқёси вилоят ноҳияҳои Конибодом ва Ашт пешсафанд. Сардори раё-сати кишоварзии вилоят Бобоҷон Домуллоев зикр намуд, ки тибқи нақша имсол бояд 172,1 ҳазор тонна пахта ҷамъ оварда шавад.