МАҶЛИСИ КУМИТАИ НАЗОРАТИ ИҶРОИ БАРНОМАИ «РУШДИ ТИҶОРАТ ДАР ТОҶИКИСТОН»

Душанбе, 4 сентябр. (АМИТ «Ховар», Бекназари Абӯбакр). – Пагоҳ, 5 сентябр дар шаҳри Душанбе маҷлиси нахустини Кумитаи назорати иҷрои барномаи «Рушди тиҷорат дар Тоҷикистон» баргузор мегардад. Дар он намояндагони вазоратҳои рушди иқтисод ва савдо, кишоварзӣ, энергетика ва саноат, Агентии давлатии «Тоҷикстандарт», Агентии ҳамкории байналхалқии Швейтсария, Маркази байналмилалии тиҷорат ва тоҷирону соҳибкорон ширкат меварзанд. Дар маҷлис масъалаҳои марбут ба ҷараёни иҷрои барнома, мушкилот ва монеаҳои соҳаи коркарди меваю сабзавот, содирот, дастовардҳои соҳа ва роҳҳои вусъат бахшидани фаъолияти он муҳокима карда мешаванд. Тибқи нақша, дар маҷлис муовини вазири рушди иқтисод ва савдо Л. Кислякова, мушовири минтақавии Маркази байналмилалии тиҷорат А. Заргарян, намояндаи Котиботи давлатии Шветсария дар масъалаҳои иқтисодӣ А. де Чембриер ва менеҷери барномаи «Рушди тиҷорат дар Тоҷикистон» С. Камолов маърӯза хоҳанд кард.