МАҶЛИСИ ШӮРОИ ФАРМОНДЕҲОНИ ҶУЗЪУ ТОМҲОИ МАРЗБОНИ ИДМ

 Душанбе, 18 сентябр. (АМИТ «Ховар»,Мавҷуда Давлатзода).- 19 сентябр дар Боку маҷлиси Шӯрои фармондеҳони ҷузъу томҳои марзбони ИДМ баргузор мегардад. Дар он бештар аз 20 масъала муҳокима карда мешавад. Иштирокчиёни маҷлис роҷеъ ба вазъияти сарҳади давлатҳои ИДМ ва проблемаҳои асосии ҳамкории мақомоти марзбони Иттиҳод табодули назар намуда, натиҷаҳои амалиёти махсуси муштарак ва тадбирҳои пешгирикунандаи соли 2008 гузаронидашударо ҷамъбаст намуда, лоиҳаи баъзе ҳуҷҷатҳои ҳамкориро баррасӣ менамоянд. Онҳо пешниҳодро дар бораи андешидани маҷмӯи тадбирҳои иловагӣ дар масъалаи назорати сарҳад барои ошкор намудани роҳҳои хориҷу ворид сохтани одамон бо мақсади хариду фурӯши онҳо, ба мақсад мувофиқ будани ташкили ҷузъу томҳои зудамали эҳтиётии мақомоти марзбонро барои ба роҳ мондани муборизаи самарабахш ба муқобили зуҳуроти номатлуби замони ҳозира ва ғайраро баррасӣ менамояд.