СЕКТОРИ ҒАЙРИДАВЛАТӢ ХОНАҲОИ ИСТИҚОМАТӢ МЕСОЗАД

Душанбе, 4 сентябр. (АМИТ «Ховар», Лаззат Диловарзод).- Дар моҳи январ – июни соли 2008 масоҳати умумии биноҳои ба истифода додашуда дар вилояти Суғд 104005 метри мураббаъ ё 48,1 фоизро ташкил дод. Дар вилояти Хатлон бошад сохтмони биноҳои истиқоматӣ нисбат ба вилояти Суғд камтар аст. Дар ин вилоят ҳамагӣ 74402 метри мураббаъ биноҳои истиқоматӣ сохта шудааст. Сохтмони чунин иншоот дар шаҳри Душанбе нисбат ба вилояти Хатлон боз ҳам камтар аст. Дар давоми нимсолаи соли 2008 дар шаҳри Душанбе ҳамагӣ ба андозаи 28424 метри мураббаъ хонаҳои истиқоматӣ сохта шудааст . Боиси тазаккур аст, ки биноҳои истиқоматиро дар ҷумҳурӣ асосан сектори ғайридавлатӣ ва қисми зиёди онро (87,6 фоиз онро) аҳолӣ бунёд мекунад.