ШУМОРАИ САЙЁҲОН ДАР САРОСАРИ ҶАҲОН МЕАФЗОЯД

Душанбе, 17  сентябр. (АМИТ «Ховар»,   Пайрав Назаров). —  16  сентябр дар  Кумитаи  кор  бо ҷавонон,  варзиш ва  сайёҳии назди  Ҳукумати  чумҳурӣ бо ҳамоҳангсози  СММ дар  Аврупо   дар  соҳаи  туризм Эдуард  Файос     Сола   мулоқот  баргузор  гардид. Намояндаи  СММ  дар  ҳузури  ҷамъомадагон дар  бораи  вазъи  соҳаи  туризм  дар   саросари  ҷаҳон дар соли  2007 маърӯза  кард. Вай  зикр  намуд, ки  соли  гузашта  теъдоди  сайёҳон дар  саросари  ҷаҳон  нисбат  ба  солҳои  гузашта  афзуда,  ба 898  миллион  нафар  расид. Ин  нисбат ба  соли  2006 – ум  52  миллион  нафар  зиёд  мебошад.        Дар  маърӯза  гуфта  мешавад, ки  теъдоди  бештари  сайёҳон  соли гузашта дар   мамлакатҳои  Шарқи  Наздик ба  қайд  гирифта шуданд.  Дар  ҷойи  дуюм  минтақаи  Осиё  ва  ҳафзаи  уқёнуси  Ором ва  дар  ҷойи  сеюм  мамлакатҳои  Африқо  карор  доранд.           Мухбири  АМИТ  «Ховар»  ёдовар  мешавад, ки  Ҷумҳурии  Тоҷикистон  соли  2007 узви  Созмони  ҷаҳонии  сафару  сайёҳат  гардида буд. Эдуард  Файос Сола  дар  СММ   сарпарасти  Ҷумҳурии  Тоҷикистон  мебошад.