ЗИЛЗИЛА ДАР ТОҶИКИСТОН

Душанбе, 1 сентябр. (АМИТ «Ховар», Бекназари Абӯбакр). — Имрӯз соати 9-у 24 дақиқа дар Тоҷикистон замин сахт ҷунбид. Муовини директори Пажӯҳишгоҳи иншооти ба зилзила тобовар ва зилзиласанҷӣ Нусратулло Саломов ба мухбири АМИТ «Ховар» гуфт, ки аз рӯи маълумоти пешакӣ маркази заминларза дар масофаи 135 километрии самти ҷанубу шаркии шахри Душанбе воқеъ буда, қувваи он тақрибан 6 баллро ташкил дод. Қувваи зилзила дар шаҳри Душанбе қариб ба 4 бал баробар шуд. Мухбири АМИТ «Ховар» зикр мекунад, ки то ҳол дар бораи хисороти заминларза маълумоте ба даст наомадааст.