БОРКАШОНӢ ЗИЁД ШУД

Душанбе, 2 октябр.(АМИТ «Ховар», Лаззат Диловарзод).- Аз Раёсати боркашонии роҳи оҳани Тоҷикистон иттилоъ доданд, ки дар моҳи январ -августи соли 2008 дар нақлиёти роҳи оҳан ба 15,4 ҳазор вагон мол бор карда, 59,8 ҳазор вагон аз бор холӣ карда шудааст. Ҳамаи борҳо мувофиқи ҷадвал фиристода шуданд Дар давраи ҳисобот гардиши вагони боркаш 1,54 шабонарӯзро ташкил додааст, ки аз сатҳи соли гузашта 9,2 фоиз зиёд аст. Маҳсули кори локомотив 681 ҳазор тонна км. брутто – ро ташкил дод, ки нисбат ба моҳи январ – августи соли 2007 1,6 фоиз кам аст. Вазни миёнаи қатора ( брутто ) нисбат ба ҳамин давраи соли гузашта 0,7 фоиз зиёд шуд.