РӮЗИ ФАЛАКСАРОЁН

           Тибқи Фармони Президенти ҷумҳурӣ аз 8 — уми моҳи августи соли 2007 ҳар сол 10-уми моҳи октябр рӯзи фалак эълон карда шудааст. Дар  ВМКБ низ  тибқи  ин чорабинӣ барномаи махсус доир мегардад. Тавре сардори идораи Раёсати фарҳанги ВМКБ Муҳиддин Пайшанбиев  ба хабарнигори АМИТ «Ховар» иброз дошт, мувофиқи нақша — чорабинии махсуси Раёсати фарҳанги  вилоят, соли ҷорӣ дар шаҳру навоҳии вилоят озмуни фалаксароёнро доир намуд ва имрӯз, дар Рӯзи фалак дар шаҳри Хоруғ  ғолибони озмун ширкат варзиданд.                Рӯзи фалак дар толори калони мақомоти маҳаллии ҳокимияти давлатии вилоят баргузор гардид. Ҳунармандон бо Барномаи вижагии фарҳангӣ баромад карданд. Ба ҳозирин махсусан баромади Раҳмони Қанд аз Дарвоз, Р. Амоншоев аз Роштқалъа, Т.Сиддиқова аз шаҳри Хоруғ, А.Пояндашоев аз ноҳияи Шуғнон, Г.Амирхонов ва Т. Амонбеков аз ноҳияи Ишкошим хеле писанд омад.