НИШАСТИ МАТБУОТИИ САФИРИ ЭРОН

       Душанбе, 24 ноябр. (АМИТ «Ховар», Марзия Саидова).- Сафири кабири Ҷумҳурии Исломии Эрон дар Тоҷикистон Алиасғар Амири Шеърдӯст чанд рӯз пеш зимни нишасти матбуотӣ хабар дод, ки дар ҷараёни сафари қарибулвуқӯи Президенти Ҷумҳурии Тоҷикистон Эмомалӣ Раҳмон ба Эрон масъалаҳои густариши ҳамаҷонибаи ҳамкории ҳар ду кишвар дар соҳаҳои гуногун мавриди баррасӣ қарор дода мешавад. Ба қавли дипломатии эронӣ, сарони ҳар ду давлат дар Теҳрон аз ҷумла масъалаи сохтмони хати интиқоли барқро тавассути қаламрави Афғонистон муҳокима хоҳанд кард.       Инчунин ба масъалаҳои вазъияти минтақавию байналхалқӣ, аз ҷумла роҳу усулҳои бартараф сохтани бӯҳрони ҷаҳонии иқтисодӣ дахл карда мешавад.