ҚАРЗИ ХОҶАГИҲОИ ПАХТАКОРИ ВИЛОЯТИ СУҒД БА 90 МИЛЛИОН ДОЛЛАР МЕРАСАД

          Хуҷанд, 4 декабр. (АМИТ «Ховар», Санавбар Мақсудова).- Маъракаи ҷамъоварии пахта дар вилояти Суғд анҷом ёфт. Пахтакорони вилоят имсол аз масоҳати бештар аз 60 ҳазор гектар 89 ҳазору 200 тонна пахта ҷамъ оварданд, ки 51,8  фоизи нақшаи солонаро ташкил медиҳад. Имсол дар вилоят аз  ҳар гектар пахтазор  14,1 сентнер ҳосил гирифта шуд. Сардори Раёсати кишоварзии  вилоят Бобоҷон Домуллоев ба мухбири АМИТ «Ховар» хабар дод, ки хоҷагиҳои пахтакор то 1- уми  январи соли  2008 аз сармоягузорон 90 миллион доллари ИМА қарздор шуданд. Қарзи хоҷагиҳои пахтакор аз муассисаҳои андоз, истифодаи об ва қувваи барқ 83,3 миллион  сомониро ташкил медиҳад.