ҚОЧОҚЧИЁНИ НАШЪА АЗ ТОҶИКИСТОН ДАР САНКТ- ПЕТЕРБУРГ ДАСТГИР ШУДАНД
Маскав, 24 декабр. (АМИТ «Ховар», Ҳалима Хушқадамова).- Кормандони раёсати назорати маводи нашъадори Хадамоти федералии Русия дар вилояти Омск ҳамроҳи касбонашон аз вилояти Ленинград ва шаҳри Сант- Петербург дар Омск миқдори зиёди моддаи нашъадори героини истеҳсоли Афғонистонро мусодира карданд. Вазни умумии маводи нашъадори мусодирашуда 133 килограм мебошад. Аз Хадамоти федералии назорати маводи нашъадори Русия ба мухбири АМИТ «Ховар» хабар доданд, ки ба интиқоли маводи нашъадор аз Афғонистон ба минтақаҳои гуногуни Русия асосан шаҳрвандони Тоҷикистон машғул буданд. Вале амалиёти минбаъдаи ошкор сохтани роҳҳои интиқоли маводи нашъадор давом дода шуд. Маълум гардид, ки нашъаҷаллобон маводи нашъадорро ҳатто ба минтақаи шимолу ғарбии Русия интиқол додаанд. Яке аз шаҳрвандони Тоҷикистон, ки ҳамзамон табааи Русия мебошад, дар вақти фурӯхтани миқдори муаяйни героин дастгир карда шуд. Кормандони милиса аз мошини ӯ 300 грам маводи нашъадор ёфтанд. Зимни кофтукови хонаи яке аз нашъаҷаллобон дар шаҳри Санкт- Петербург 127 килограм маводи нашъадор ёфт шуд. Аз рӯи ташхиси коршиносон, героини мусодирашуда навъи олӣ мебошад.То имрӯз ду қочоқчии нашъа дастгир карда шуд. Шарикони онҳо ҷустуҷӯ карда мешаванд. Вобаста ба ин парвандаи ҷиноӣ кушода шуд ва тафтиши он давом дорад. Мухбири АМИТ «Ховар» хабар медиҳад, ки умуман дар ҷараёни амалиёти мазкур 260 килограм героини навъи олӣ мусодира карда шуд.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
