ҲАНГОМИ ЗИЁРАТИ ХОНАИ ХУДО 3 ЗОИРИ ТОҶИК ФАВТИД

                   Душанбе, 22 декабр. (АМИТ «Ховар», Бекназари Абӯбакр). — Имсол ҳангоми зиёрати Хонаи Худо дар Арабистони Саудӣ 3 нафар зоири тоҷик фавтид.                  Сухангӯи Вазори фарҳанги ҷумҳурӣ Гулаҳмад Давлатов ба мухбири АМИТ «Ховар» гуфт, ки фавти зоирини тоҷик паҳлӯҳои дигар надошта, алоқаманд ба саломатии эшон аст. Имрӯзҳо гурӯҳи корие, ки аз ҷониби Вазорати фарҳанг дар Арабистони Саудӣ фаъолият доранд, ҷиҳати беҳдошти саломатӣ ва шароити зисти зоирин дар ин кишвар тадбирҳои судманд меандешанд.                   Ёдовар шудан бамаврид аст, ки соли ҷорӣ 5 ҳазору 120 нафар аз Тоҷикистон ба ҳаҷ рафтаанд. Ба ин шумора табибон, роҳнамоён ва намояндагони дахлдори Ҳукумати ҷумҳурӣ низ шомиланд.