18 ШАҲОДАТНОМАИ ТРЕНЕРИИ СОҲАИ ИҶТИМОӢ

                  Душанбе, 22 декабр. (АМИТ «Ховар», Лаззат Диловарзод).-19-уми декабри соли ҷорӣ вазири меҳнат ва ҳифзи иҷтимоии аҳолии Ҷумҳурии Тоҷикистон Шукурҷон Зуҳуров бори нахуст ба 18 корманди соҳаи иҷтимоӣ Шаҳодатномаи тренерӣ супурд.                 Дар доираи татбиқи лоиҳаи «Рушди касбу корҳои иҷтимоӣ» бо дастгирии Фонди кӯдакони СММ (ЮНИСЕФ) ва ташкилоти «Эври Чайдл» барои кормандони Вазорати меҳнат ва ҳифзи иҷтимоии аҳолии Ҷумҳурии Тоҷикистон, Муассисаи давлатии «Пажӯҳишгоҳи меҳнат ва ҳифзи иҷтимоии аҳолӣ», муассисаҳои кӯдаконаи статсионарӣ, шӯъбаи ҳуқуқи кӯдаки шаҳри Душанбе дар давоми моҳи июн — декабри соли 2008 тренингҳои иҷтимоӣ гузаронида шуд.                 Мақсад аз ташкил намудани тренингҳо шарафёб гаштан ба донишҳои ҳамаҷиҳата, дарки моҳияти корҳои иҷтимоӣ, ҳамчунин, густариши малака ва усулҳои зарурӣ буд.                 Тавассути чунин тренингҳо 18 тренер омода гардид, ки минбаъд вазорат онҳоро барои гузаронидани курсҳои бозомӯзӣ дар семинарҳои муассисаҳои тобеъ истифода хоҳад бурд.