БА ЗАНҲОИ ВИЛОЯТИ ХАТЛОН МЕШИ БОРДОРШУДА МЕДИҲАНД

             Душанбе, 22 декабр. (АМИТ «Ховар», Лаззат Диловарзод).- Бино ба гуфтаи мушовири миллии Лоиҳа оид ба тренинг ва гендер Сафаралӣ Наимов, барномаи ташкилоти озуқа ва кишоварзӣ дар 6 ноҳияи вилояти Хатлон амалӣ мешавад. Бо мақсади амалӣ шудани лоиҳа, ки аз се қисм иборат аст, дар навбати аввал 400 нафар зани кӯдакдори бесаробони ноҳияҳои Данғара, Восеъ, Мир Сайид Алии Ҳамадонӣ, Балҷувон ва ноҳияи Ёвон ба гурӯҳи кӯмакгирандагон ворид карда шудаанд.               Бо мақсади баланд бардоштани маҳсулнокии чорво, ба занҳои ба гурӯҳи ёригирандагон дохилшуда 2-тогӣ меши бордоршуда ва 5-тогӣ мурғи марҷон дода мешавад.               Тибқи шартҳои лоиҳа, баъди як сол 2 барра ва 5 мурғи марҷонро аз ин гурӯҳ гирифта, ба гурӯҳи дигари занҳои камбизоат медиҳанд. Ин усул то давраи пурра бо чорвою мурғи марҷон таъмин гардидани ҳамаи занони бесаробонмонда истифода бурда мешавад.