ДАР ЧИН ЗИЁДА АЗ 20 МИЛЛИОН НАФАР АЗ КОР ОЗОД ШУД

        Деҳлӣ, 2 декабр. (АМИТ «Ховар» — РБК). —  Дар  Ҷумҳурии  Мардумии  Чин  вобаста ба  бӯҳрони  шадиди  молиявӣ   бештар аз  20  миллион  нафар  аз  кор  маҳрум  гардид.  Корхонаю ширкатҳои  мамлакат   дар  шароити   вазъияти  ногувори  иқтисодӣ  ё коргаронро аз кор  озод  мекунанд, ё ҳаҷми  истеҳсолро  кам  менамоянд,  ё   баста  мешаванд. Тибқи  хабарҳои расида,   дар  Чин  бар  асари  бӯҳрони  молиявӣ қариб  70  ҳазор  ширкат  муфлис  гардидааст. Мақомоти  ҳукуматӣ  барои  пешгирии  худсарона  аз кор  озод  кардани  коргарон  ҷараёни  пеш  кардани онҳоро  таҳти  назорат  мегиранд. Тибқи  дастури  мақомоти  мазкур,  ширкатҳо  бояд   коргаронро  танҳо  бо  иҷозати  муассисаҳои  маҳаллии  меҳнат  ва  суғуртаи  иҷтимоӣ  аз  кор  озод  намоянд.