ИНТИҚОЛИ МОЛҲОИ НАТО БА АФҒОНИСТОН ҚАТЪ КАРДА ШУД

           Кобул, 16  декабр. (АМИТ «Ховар» — РИА «Новости»). – Ширкати нақлиётии «Хайбар» — и  Покистон, ки  то имрӯз  яке аз  интиқолдиҳандагони  асосии   молҳои  НАТО  аз Покистон  ба  Афғонистон  ба  шумор  мерафт,  аз  рӯзи  душанбе  сар  карда, интиқоли  молу  маводи  заруриро  барои  таъмини  эҳтиёҷоти  ҷузъу  томҳои  хориҷӣ   қатъ  намуд. Қарори  қатъ  намудани  интиқоли  мол  баъди  нобуд  сохтани  садҳо  мошини   боркаши   ширкати  мазкур  дар  вилоятҳои  шимолу  ғарбии  Покистон  қабул  карда,  бо  сафари   ғайричашмдошти  Президенти  ИМА Ҷ.Буш  ба  Афғонистон  рост  омад.  Хабар  дода  мешавад, ки  ширкати  мазкур  қариб  70  фоизи  ҳамаи  молҳои  таъиноти  ҳарбӣ  ва  ғайриҳарбиро  аз  Покистон  ба  Афғонистон  интиқол  медод.