ИСТЕЪФОИ ВАЗИРИ КОРҲОИ ДОХИЛИИ ҲИНДУСТОН ШАҲРИ ПАТИЛ

         Деҳлӣ, 2 декабр. (АМИТ «Ховар» — РБК). —  Вазири  корҳои  дохилии  Ҳиндустон  Ш.Патил  вобаста  ба  амалиёти  террористӣ  дар шаҳри Мумбай, ки  бар  асари онҳо  бештар аз  174  нафар  ҳалок  шуд,  аризаи  истеъфо  дод. Сарвазири  мамлакат  Манмоҳан  Сингх  то  ҳол  ба  аризаи  ӯ  ҷавоб  надодааст. Хабар  дода  мешавад, ки  26 – уми ноябр гурӯҳи  террористони  мусаллаҳ   дар  шаҳри  Мумбай  якбора  ба  чанд  меҳмонхона,  ресторан,  шифохона,   истгоҳи  марказии  роҳи оҳан ва  раёсати  политсия  ҳуҷум  оварданд. Онҳо  бо  пулемётҳои  вазнин,  автоматҳо ва  граната  мусаллаҳ  буданд. Муқовимати  террористон бо  қисмҳои  ҳарбии  ҳукуматӣ  бештар  аз  ду  шабонарӯз  давом  кард. Аз  рӯи  маълумоти расмӣ,  амалиёти  мазкурро  ҳамагӣ  даҳ нафар  террорист  анҷом  дод.