КӮМАК БА ДОНИШҶӮЁН

Душанбе, 4 декабр. (АМИТ «Ховар», Пайрав Назаров).- Намояндагони мақомоти иҷроияи ҳокимияти давлатии  ноҳияи Роштқалъа 3 декабр  дар  Маркази  фарҳанги ҷавонони «Ориёно» — и шаҳри Душанбе бо  донишҷӯёне мулоқот карданд, ки  мувофиқи имтиёзҳои  муқаррарнамудаи Президенти ҷумҳурӣ аз ин ноҳия дар мактабҳои олӣ таҳсил мекунанд. Мулоқот бо ташаббуси  Кумитаҳои кор бо ҷавонон, варзиш ва сайёҳӣ ва  кор бо занону оилаи назди Ҳукумати ҷумҳурӣ гузаронида шуд. Дар фарҷоми мулоқот ба ҳар донишҷӯ аз номи маъмурияти ноҳия 50 сомонӣ кӯмаки моддӣ расонида шуд. Мухбири АМИТ «Ховар» хабар медиҳад, ки айни ҳол аз ноҳияи Роштқалъа дар мактабҳои олии пойтахт бештар аз 40 нафар донишҷӯ таҳсил мекунад.