РОҲБАРИ ДАФТАРИ МАТБУОТИ ХАДАМОТИ ГУМРУК ДАР ШИФОХОНА ВАФОТ КАРД

         Душанбе, 4 декабр. (АМИТ «Ховар», Анварбек Сиддиқов).- Роҳбари дафтари матбуоти Хадамоти гумруки назди Ҳукумати ҷумҳурӣ Абдурасул Шарифов, ки  дар натиҷаи фалокати нақлиёт сахт маҷрӯҳ шуда, дар шифохона  табобат карда мешуд, шаби гузашта вафот кард. А.Шарифов 24 ноябр баъди рух додани фалокати нақлиёт ба  Шифохонаи ҷумҳуриявии клиникии ба номи Дяков оварда шуд. Таҳқиқи тиббӣ нишон дод, ки  косахонаи сари вай сахт ҷароҳат бардоштааст. Духтурон А.Шарифовро ҷарроҳӣ карданд. Номбурда дар давоми ин рӯзҳо дар ҳолати беҳушӣ қарор дошт. Духтурон вазъи саломатии ӯро ниҳоят вазнин  номиданд. Дар ин бора ба АМИТ «Ховар» аз дафтари матбуоти Хадамоти гумруки назди Ҳукумати ҷумҳурӣ хабар доданд.