ТАҶЛИЛИ 100 – СОЛАГИИ ОЛИМИ МАШҲУР

         Душанбе,  24  декабр. (АМИТ «Ховар»,  Наргис  Бояхмедова). –  Имрӯз  дар   шаҳри  Душанбе  ба  муносибати   100 – солагии рӯзи  таваллуди  олими   машҳури  тоҷик,  шарқшиноси  барҷаста,  академик  Бобоҷон  Ғафуров  дар  Кохи  Ваҳдат  маҷлиси  ботантана  баргузор  мегардад.  Дар  он  Президенти  Ҷумҳурии  Тоҷикистон  Эмомалӣ  Раҳмон  иштирок  менамояд. Ҳамчунин ба  маҷлис  аз  мамлакатҳои  гуногуни  ҷаҳон  меҳмонон  даъат  шудаанд. Иштирокчиёни  маҷлис   субҳи  имрӯз   дар  назди қабри Бобоҷон  Ғафуров   гулдастаҳо  гузоштанд.  Дар  ин  маросим  раиси  Академияи  илмҳои  ҷумҳурӣ  Мамадшо  Илолов  низ  ширкат  варзид.