ЗАНИ ҚАЛЛОБ ДАСТГИР ШУД

             Қӯрғонтеппа, 11   декабр. (АМИТ «Ховар»,  Мурод  Сотиев). –  Прокуратураи  вилояти  Хатлон   нисбати  сокини   ноҳияи  Вахш  Сабзагул  Олматова   аз  рӯи  якчанд  моддаи   Кодекси  ҷиноӣ  парвандаи  ҷиноӣ  кушод. С.Олматова  ба  аз  худ  кардани  маблағи  калони  қарз,  расондани  зарари  моддӣ  ба  шахсони  дигар  ва  соҳибкории  ғайриқонунӣ  гунаҳкор  карда  мешавад.  Муфаттиши  калони  прокуратураи  вилоят  Баҳром  Шомиров  ба  мухбири  АМИТ «Ховар»  гуфт, ки  С.Олматова  солҳои  тӯлонӣ  ба  боварии  теъдоди  зиёди одамон   даромада, онҳоро   фиреб  дода,   маблағи  калонро  қарз  гирифта,  барнагардондааст. Маблағи  умумии  бо  роҳи  фиреб  азхуднамудани  зани  қаллоб  қариб  600 ҳазор  доллари  ИМА – ро ташкил  медиҳад. Ӯ  акнун  барои  амалиёти  ҷинояткоронааш  дар  назди  қонун  ҷавоб  хоҳад  дод.