ТАВОЗУНИ САРМОЯИ БОНКҲО ЯК МИЛЛИАРДУ 9 МИЛЛИОН СОМОНИРО ТАШКИЛ ДОД

                Душанбе, 27 январ. (АМИТ «Ховар», Покиза Махмадбекова). — «Қурби пулли милӣ дар соли 2008 устувор монд, фақат каме дар охири сол поён рафт. Бонки миллии Тоҷикистон дар аввали соли 2008 ба баъзе мушкилиҳо дучор шуда буд. Вобаста ба он Хазинаи байналмилалии асъор (ХБА) аз Бонки Миллӣ талаб намуд, ки маблағҳои дар асоси барномаи пешин дода шударо баргардонад. Имрӯз БМТ аз ХБА 7,4 миллион доллар қарздор аст, ки 5 феврали соли равон ин қарз бояд баргардонида шавад», — гуфт зимни нишасти матбуотӣ раиси Бонки миллии Тоҷикистон Шариф Раҳимзода.                  Инчунин, қайд гардид, ки қарзҳои Бонки миллии Тоҷикистон аз бонкҳои хориҷӣ зиёд буданд ва дар соли 2008 дар натиҷаи сиёсати дурустӣ пулию қарзӣ, ин қарзҳо баргардонда шуданд. Дар соли 2008 дороиҳои бонк 8 фоиз зиёд шуда, ӯҳдадориҳо ҳамагӣ 2,6 фоиз зиёд гардид. Тавозуни сармояи тавозуни бонкҳо як миллиарду 9 миллион сомониро ташкил дод, ки нисбат ба ҳамин давраи соли гузашта 52 фоиз зиёд аст.