БАРОИ МУБОРИЗА БАР ЗИДДИ МАЛАХ 5 МИЛЛИОН СОМОНӢ

               Душанбе, 4 феврал. (АМИТ «Ховар», Лаззат Диловарзод).-Бино ба маълумоти маркази матбуот ва иттилооти Вазорати кишоварзӣ, соли 2009 барои мубориза ба муқобили малах ва дигар ҳашароти зараррасон бо Қарори Ҳукумати ҷумҳурӣ 5 миллион сомонӣ ҷудо гардид.               Боиси ёдоварист, ки соли 2008 малах ва дигар ҳашароти зараррасон дар майдони 130 ҳазор гектар замин паҳн шуда, ба хоҷагиҳои кишоварзӣ ва чарогоҳҳо зарари зиёд ворид намуд.               Барои мубориза ба муқобили малах беш аз 5 ҳазор нафар одам сафарбар гардид.                Ҳукумати ҷумҳурӣ бо ин мақсад бо таври фаврӣ 4,5 миллион сомонӣ ҷудо намуд. Аз ҷониби ташкилоти озуқа ва кишоварзӣ (ФАО)-и Созмони Милали Муттаҳид барои нобуд сохтани малах 500 ҳазор доллар ҷудо када шуда буд, ки он дар нест кардани малах мусоидат намуд.