СОКИНОНИ ДУШАНБЕ БА ЯРМАРКА-ФУРӮШИ ГУЛУ НИҲОЛҲО ТАШРИФ МЕОРАНД

                  Душанбе, 20 феврал.(АМИТ «Ховар», Марзия Саидова).- 21 феврал соати 8-и субҳ дар Боғи «Дӯстии халқҳо»-и пойтахт ярмарка-фурӯши ниҳолу бутта, дарахтони ороишӣ, тухмию кӯчати гулҳои аз ҷониби сохторҳои Сарраёсати ободонии пойтахт парварида ба намоиш ва фурӯш гузошта мешаванд.                  Котиби матбуотии Раиси шаҳри Душанбе Шавкат Саидов ба АМИТ «Ховар» иттилоъ дод, ки ярмаркаи мазкур бо ибтикори Сарраёсати ободонии пойтахт ташкил карда шуда, сокинони пойтахт имкон доранд, ки бо истифода аз ярмарка ва интихоби ниҳолу бута ва дарахтони ороишӣ, тухмию кӯчати гулҳо дар ободонию сабзу хуррам гардонидани муҳити зисташон ва умуман пойтахт саҳми босазо гузоранд.