АМРИКО БА ХИЗМАТЧИЁНИ ҲАРБӢ ҲУҚУҚИ ШАҲРВАНДӢ МЕДИҲАД

                    Душанбе, 31 март. (АМИТ «Ховар», Лаззат Диловарзод).- Тибқи иттилои рӯзномаи «Ню — Йорк Таймс» бо мақсади ҳалли мушкилоти нарасидани низомиён ва зиёд кардани сафи онҳо дар Амрико барномае бо номи «green card» (корти сабз) роҳандозӣ шудааст. Тибқи ин барнома ба ҳамаи донишҷӯёни хориҷӣ, ки ду сол дар Амрико зиндагӣ намуда дар донишгоҳу таълимгоҳҳои он таҳсил мекунанд, эълон гардидааст, ки ҳангоми хизмат дар сафи қувваҳои низомӣ бо гузашти шаш моҳ шаҳрвандии ин кишварро ба даст оварда метавонанд.                    Аммо андешаҳо дар ин бора мухталифанд. Чанде аз шаҳрвандони Тоҷикистон, ки дар Амрико таҳсил мекунанд, хоҳиши дар сафҳои низомиёни ин кишвар хизмат карданро доранд, аммо барои дар давлатҳои исломӣ ба хизмат рафтан розӣ нестанд.                     Ҷавонони Амрикои Лотинӣ умуман дар сафи низомиёни Амрико хизмат кардан намехоҳанд.Тибқи ҳамин барнома, ҳар сол беш аз 14 ҳазор ҷавонон дар сафи низомиёни Амрико хизмат мекунанд.