ГУРӮҲИ НАМОЯНДАГОНИ ХАДАМОТИ ФЕДЕРАЛИИ МУҲОҶИРАТИ РУСИЯ БА ҶТ МЕОЯ

                 Душанбе, 10 март (АМИТ «Ховар», Темур Бандишоев ). — Имрӯз гурӯҳи намояндагони Хадамоти Федералии муҳоҷирати Федератсияи Русия барои боздиди корӣ ба Тоҷикистон меояд. Ҳадафи сафари онҳо дар амал татбиқ намудани барномаҳои байнидавлатии соҳаи муҳоҷирати меҳнатӣ ва гузаронидани машварат дар мавзӯи ҷалби коргарони гуногункасб аз Тоҷикистон ба Русия мебошад. Инчунин, намояндагони Хадамоти федералии муҳоҷирати Русия ва Хадамоти муҳоҷирати ВКД Тоҷикистон зимни мулоқоташон масъалаҳои бо кор таъмин намудани коргарони муҳоҷири тоҷикро дар минтақаҳои гуногуни Русия баррасӣ менамоянд.                  Меҳмонон зимни сафар бо фаъолияти баъзе омӯзишгоҳҳои касбии техникӣ шинос хоҳанд шуд.