ШУДГОРИ ЗАМИНҲОИ ПАХТА 80 ФОИЗ ИҶРО ШУД

                   Душанбе, 4 март (АМИТ «Ховар», Лаззат Диловарзод).-Бино ба иттилои муовини вазири кишоварзӣ Шукрулло Раҳимназаров, тибқи дурнамои вазорати мазкур, соли ҷорӣ майдони кишти пахта ба 237 ҳазору 112 гектар расонида мешавад.                  То 2-юми март дар ҳамаи хоҷагиҳои пахтакори ҷумҳурӣ ба андозаи 190 ҳазору 729 гектар заминҳои пахта шудгор карда шудаанд, ки ин баробари 80,4 фоизи нақшаи дурнамои вазоратро ташкил медиҳад.                  Шудгори заминҳои пахта дар вилояти Суғд аз 69 ҳазору 665 гектар 50 ҳазору 914 гектар ё баробари 73,1 фоиз, дар вилояти Хатлон аз майдони 152 ҳазору 827 гектар 125 ҳазору 190 гектар ва дар ноҳияҳои тобеи ҷумҳурӣ майдони 14 ҳазору 620 гектар замини барои кишти пахта ҷӯдошуда 100 фоиз шудгор карда шудааст.