ҒАМХОРӢ ДАР ҲАҚҚИ ИШТИРОКЧИЁНИ ҶБВ

                  Душанбе, 22 апрел.(АМИТ «Ховар», Марзия Саидова).-Ба ифтихори 64-умин солгарди ҷашни Ғалаба дар Ҷанги Бузурги Ватанӣ Мақомоти иҷроияи ҳокимияти давлатӣ дар шаҳри Душанбе тадбирҳои судманд меандешад.                   Аз ҷумла, дар доираи қарори марбутаи раиси шаҳри Душанбе Маҳмадсаид Убайдуллоев оид ба фаъолияти эҳсонкорӣ, расонидани кӯмак ба иштирокчиёну маъюбони ҶБВ тақвият меёбад. Ҳафтае як маротиба тибқи сабади истеъмолӣ ба онҳо хӯрока расонида шуда, масъулину намояндагони шаҳр ба аёдати онҳо мераванд ва аз саломатию вазъи рӯзгорашон огоҳ мегарданд.