АМАЛИЁТИ ТЕРРОРИСТӢ ДАР БАҒДОД

              Бағдод, 30 апрел. (АМИТ «Ховар» — РБК). — Дар яке аз маҳаллҳои шианишини пойтахти Ироқ — шаҳри Бағдод дирӯз силсилаи таркишҳои шадид рух доданд. Дар ин ҷо якбора якчанд мошини сабукрави муҷаҳҳаз бо маводи тарканда тарконда шуд. Дар натиҷаи ин таркишҳо камаш 41 нафар ҳалок ва зиёда аз 70 нафар маҷрӯҳ шуд. Кормандони политсия хабар доданд, ки таркишҳо дар маҳалҳои серодами шаҳр, дар наздикии бозор ба амал омаданд.            Вақтҳои охир миқдори амалиёти террористӣ дар Ироқ меафзояд. Чанд рӯз пеш ду нафар террористи фидоӣ худро паи ҳам дар даромадгоҳи масҷиди имом Мӯсо Алқозимӣ тарконд. Бар асари ин амалиёт 60 кас кушта шуд.