ДАР ҚӮРҒОНТЕППА КОЛЛЕҶИ ҲУНАРӢ КУШОДА МЕШАВАД

              Курғонтеппа, 13 апрел. (АМИТ «Ховар», Мурод Сотиев).- Рӯзҳои наздик дар шаҳри Қӯрғонтеппа коллеҷи ҳунарӣ кушода мешавад. Сардори раёсати фарҳанги вилояти Хатлон Бурҳониддин Раҷабов ба АМИТ «Ховар» хабар дод, ки айни ҳол раёсати фарҳанги мақомоти иҷроияи маҳаллӣ дар бобати таъмини муассисаҳои фарҳангӣ бо кадрҳо душворӣ мекашад.              «Дар вилоят, имрӯз навозандагон, кормандони китобхонаҳо, ҳунарпешагон, мутрибон ва коргардонон намерасанд. Кушодашавии коллеҷи санъат ба ҳалли ин проблемаҳо кӯмаки калон мерасонад»,- гуфт Б. Раҷабов.