ДАСТОВАРДҲОИ ИЛМИ КИШОВАРЗӢ

               Душанбе, 20 апрел. (АМИТ «Ховар», Жасмин Назарова). — Дар се моҳаи аввали соли ҷорӣ аз тарафи олимони Академияи илмҳои кишоварзӣ ва Пажӯҳишгоҳи илмии соҳавии он корҳои назаррасе иҷро гардидаанд.               Ба комиссияи давлатӣ аз тарафи Пажӯҳишгоҳи зироаткорӣ навъҳои пахтаи миёнанахи Б-70 «Дўстӣ» ва маҳиннахи 2407-В, 2918-В, 2379-В, «10-солагии Истиқлолият», гандумҳои «Тоҷбахт», «Шокирӣ» ва «Файз», инчунин навъи сулии «Тоҷикӣ-70» ва дастовардҳои Институти боғпарварию сабзавоткорӣ навъи сабзии «Тиллоранг», пиёзи анзури «Дилкушо» ва «Суғдиён», пиёзи «Ҳисорӣ», лубиёи чинии ғизоии навъи «Истеъмолӣ» ва се навъи мош, ки дар ҳамкорӣ бо маркази умумиҷаҳонии сабзавотпарварӣ (АСИРО, мамлакати Тайван) бо номҳои «Марворид», «Муаттар» ва «Дубаҳра», супорида шудааст.