ИҶРОИ ЛОИҲАИ ПАСТ КАРДАНИ ХАТАРИ ОФАТҲОИ ТАБИӢ ШУРЎЪ МЕШАВАД
Душанбе, 27 апрел. (АМИТ «Ховар», Фарангис Раҳимова). — Дар шаҳри Душанбе бо мақсади амалигардонии лоиҳа оид ба паст кардани хатари офатҳои табиӣ дар соҳаи таҳсилот байни Вазорати маорифи Ҷумҳурии Тоҷикистон, Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ва Хазинаи кўдакони СММ дар Ҷумҳурии Тоҷикистон Ёддошти тафоҳум ба имзо расид. Мақсади Ёддошти мазкур ин барқарор намудани ҳамкорӣ ва шарикӣ барои соли 2009 дар доираи лоиҳаи «Дастгирии кам кардани хатари офатҳои табиӣ дар ҷомеаи эҳтиёҷманди Осиёи Марказӣ» мебошад. Дар ин бора ба АМИТ «Ховар» роҳбари шўъбаи робитаҳо бо ҷомеаи намояндагии Хазинаи кўдакони СММ дар Тоҷикистон Александр Садиқов хабар дод. Дар доираи лоиҳа дар мактабҳои 20 ноҳияи кишвар барои муаллимон ва кўдакон курси таълимӣ оид ба паст кардани хатари офатҳои табиӣ таҳия ва ҷорӣ мегардад. Дар асоси таҷрибаи гирифташуда, Вазорати маориф ва Хазинаи кўдакони СММ ҷиҳати ба кўдакон пешниҳод намудани дониш ва малака оид ба зинда мондан дар ҳолатҳои фавқулодда роҳҳои ҷорӣ намудани курси мазкурро ба барномаи таълимии мавҷуда меҷўяд. Лоиҳаи мазкур аз тарафи Департаменти башардўстонаи Комиссияи Аврупо (ECHО) дар доираи барномаи омода будан ба офатҳои табиӣ ЕСНО маблағгузорӣ мегардад. Мақсади лоиҳаи мазкур дастгирии стратегияҳое мебошад, ки ба баланд бардоштани омодагии аҳолӣ ва донишкадаҳои давлатӣ ҷиҳати сари вақт ва самаранок эътино кардан ба офатҳои табиӣ равона карда шудаанд.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
