КИШТИ ПАХТА ВУСЪАТ МЕЁБАД

                 Душанбе, 3 март. (АМИТ «Ховар», Лаззат Диловарзод).-Тибқи маълумоти Раёсати растанипарварии Вазорати кишоварзӣ хоҷагиҳои пахтакори ҷумҳурӣ пас аз ҷашни наврӯзи соли ҷорӣ кишти пахтаро дучанд зиёд намуданд.                 Тибқи дурнамои Вазорати кишоварзӣ, соли ҷорӣ дар масоҳати 200 ҳазору 700 гектар кишти пахта гузаронида мешавад, ки 21 ҳазору 500 гектари онро пахтаи маҳиннах ташкил медиҳад.                  То 30-юми марти соли ҷорӣ дар майдони 18 ҳазору 54 гектар кишти пахта гузаронида шудааст, ки баробари 9 фоизи дурнамо мебошад ва нисбат ба ҳамин давраи соли гузашта 1654 гектар зиёд аст.                 Хоҷагиҳои пахтакор ҳар рӯз дар майдони беш аз 2 ҳазор гектар пахта кишт мекунанд, агар суръати кор чунин бошад, кишти имсолаи пахта пеш аз мӯҳлат ва бо сифати баланд иҷро мешавад.