КИТОБИ НАВИ ЖУРНАЛИСТИ МАЪРУФ
Душанбе, 10 апрел. (АМИТ «Ховар», Кристина Эрлих). — Китоби нави журналисти маъруф, иштирокчии Ҷанги Бузурги Ватанӣ, яке аз кормандони собиқадори Агентии миллии иттилооти Тоҷикистон «Ховар», шореҳи илмии агентӣ Олег Соболев таҳти унвони «Мулоқотҳо бо одамони наҷиб» аз чоп баромад. Маҷмӯаи очеркҳои О.Соболев ба муносибати 50 — солагии фаъолияташ дар соҳаи журналистикаи тоҷик нашр карда шуд. Дар китоб роҷеъ ба мулоқоту сӯҳбатҳои муаллиф бо арбобони барҷастаи сиёсӣ, муборизони роҳи озодӣ, иштирокчиёни Ҷанги Бузурги Ватанӣ, олимон, духтурон ва кормандони машҳури соҳаи фарҳанг нақл карда мешавад. Хонандагон зимни мутолиаи оччеркҳои китоб дар бораи шахсони маълуму машҳур, аз ҷумла Бобоҷон Ғафуров, Муҳаммад Осимов, Ҷаббор Расулов, Ҳамид Мансуров ва дигарон маълумоти тоза ба даст оварда метавонанд. Китоб дар матбааи Ҷамъияти саҳҳомии «Иттилоот ва муошират» бо теъдоди сад нусха чоп шудааст. Муҳаррири он директори АМИТ «Ховар» Садриддин Шамсиддинов мебошад. Маросими тақдими китоб имрӯз дар ҷараёни конфронси илмии бахшида ба 50 — солагии фаъолияти О.Д.Соболев дар АМИТ «Ховар» баргузор мегардад.
Аз 22 то 24 декабр дар бештари ноҳияҳои Тоҷикистон фаромадани туман ва резиши қирав боқӣ мемонад
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
Дар вилояти Суғд ғолибони озмунҳо қадрдонӣ гардиданд
Дар шаҳри Ҳисор маъракаи азнавбақайдгирии нафақагирон идома дорад
Имрӯз дар Тоҷикистон зимистони астрономӣ фаро мерасад
Имрӯз дар баъзе ноҳияҳои Тоҷикистон бориши борон ва барф дар назар аст
«Кока-Кола Нӯшокиҳои Тоҷикистон» ва Федератсияи футболи Тоҷикистон ҳамкории дарозмуддатро тасдиқ намуданд
