МАҶЛИСИ ВАЗИРОНИ СОҲАИ ВАРЗИШИ МАМЛАКАТҲОИ ОСИЁ ДАР ТЕҲРОН БАРГУЗОР
Душанбе, 30 апрел. (АМИТ «Ховар», Темур Бандишоев). — Аз 4 то 7 май дар Теҳрон маҷлиси навбатии дуюми вазирони соҳаи варзиши мамлакатҳои Осиё баргузор мегардад. Дар он раиси Кумитаи кор бо ҷавонон, варзиш ва сайёҳии назди Ҳукумати Тоҷикистон Маликшо Неъматов низ иштирок хоҳад кард. Дар маҷлис масъалаҳои марбут ба рушди варзиш дар мамлакатҳои Осиё дар шароити бӯҳрони ҷаҳонии молиявӣ муҳокима карда мешаванд. Аз Кумитаи кор бо ҷавонон, варзиш ва сайёҳии ҷумҳурӣ ба АМИТ «Ховар» хабар доданд, ки Маликшо Неъматов зимни сафар бо ноиби Президенти Эрон, вазири варзиш ва раиси Кумитаи Олимпии ин мамлакат Алии Ободӣ мулоқот хоҳад кард. Дар ҷараёни мулоқот масъалаҳои марбут ба ҳамкории Тоҷикистону Эрон дар соҳаи пешрафту инкишофи варзиш ва имзои созишномаи ҳамкории кумитаҳои олимпии ҳар ду мамлакат баррасӣ карда мешаванд. Созишнома мусоидати ҷониби Эронро ба омода сохтани варзишгарони тоҷик дар майдонҳои варзишии ин мамлакат ва гузаронидани машқҳо ва чорабиниҳои дигари муштаракро пешбинӣ мекунад. Инчунин мулоқотҳои М.Неъматов бо роҳбарони муассисаҳои сайёҳӣ ва ҷавонони Эрон пешбинӣ карда мешавад.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
