МАБЛАҒИ 1 155 479 СОМОНИРО ПИНҲОН КАРДААНД,

                            Душанбе, 21 апрел. (АМИТ«Ховар», Анварбек Сиддиқов)- Роҳбари ҶДММ «Бинокор-М»-и шаҳри Қӯрғонтеппа).- М.Э. Хушвахтов бо ҳамроҳии собиқ роҳбари ҳамин ҷамъият Д.Ф. Раҳмонов, аз ҶММ «Стройгигант», ҶДММ «Саидони»-и шаҳри Душанбе, ҶДММ «Дамзи»-и шаҳри Кӯлоб ва ширкати истеҳсолӣ тиҷоратии шаҳри Сарбанд, бо роҳи тартиб додани ҳисобнома-фактураи андози арзиши иловашуда ва ҳуҷҷатҳои қалбакӣ маблағи 1 155 479 сомониро пинҳон кардаанд.               Тавре аз Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба АМИТ «Ховар» хабар доданд, нисбати М.Э. Хушвахтов ва Д. Ф. Раҳмонов аз тарафи шӯъбаи тафтишотии Раёсати Агентӣ дар вилояти Хатлон парвандаи ҷиноятӣ баъди ба итмом расонидани тафтишот бо моддаи 292 қисми 2 ва 340 Кодекси Ҷиноии Ҷумҳурии Тоҷикистон, барои моҳиятан баррасӣ намудан ба мақомоти судӣ фиристонида шуд.