НАРХИ САБЗАВОТ ДАР БОЗОРҲО ПАСТ ШУД

                Душанбе, 9 апрел. (АМИТ «Ховар», Лаззат Диловарзод).- Тибқи маълумоти Раёсати растанипарварии Вазорати кишоварзӣ, то 6- уми апрели соли 2009 аз гармхонаҳо ба бозорҳои ҷумҳурӣ ба миқдори 70,4 тонна помидор, 52,8 тонна бодиринг ва 21, 9 тонна дигар намуди зироатҳо ворид гардидааст.                Имрӯзҳо арзиши помидор дар бозорҳои ҷумҳурӣ ба 8 сомонӣ ва бодиринг ба 6 сомонӣ баробар аст, ки ин нисбат ба ҳамин давраи соли 2008 мутобиқан 5-3 сомонӣ арзон аст.                Ба ақидаи мутахассисон, агар кишти помидору бодиринг дар гармхонаҳо ба 100 гектар расонида мешуд, имрӯз нархи помидор аз 3 ва бодиринг аз 1,5 — сомонӣ боло намерафт.