ШИРКАТИ АЛЮМИНИИ ТОҶИКИСТОН 34 – СОЛА ШУД
Душанбе, 1 апрел. (АМИТ «Ховар», Кристина Эрлих). — Ба оғози фаъолияти яке аз корхонаҳои калонтарини истеҳсоли алюминий дар миқёси Иттиҳоди Давлатҳои Мустақил ва ягона корхонаи алюминий дар Осиёи Марказӣ — Корхонаи воҳиди давлатии «Ширкати алюминии Тоҷикистон» 34 сол пур шуд. Корхона 31 марти соли 1975 маҳсулоти аввалин истеҳсол карда буд. Иқтидори солонаи он 517 ҳазор тонна алюминий мебошад. Бо қарори Ҳукумати ҷумҳурӣ, корхона 3 апрели соли 2007 ба Корхонаи воҳиди давлатии «Ширкати алюминии Тоҷикистон» табдил дода шуд. Ширкати мазкур имрӯз корхонаи калонтарини саноатии мамлакат ба шумор меравад. Маҳсулоти он тақрибан нисфи ҳаҷми умумии маҳсулоти корхонаҳои саноатии мамлакатро ташкил медиҳад. Соли 2008 дар ин ҷо зиёда аз 400 ҳазор тонна алюминии хоми навъи олӣ истеҳсол карда шуд. Ширкати алюминии Тоҷикистон дар бобати ғанӣ гардондани буҷети ҷумҳурӣ нақши муҳим мебозад. Ширкат соли 2008 ба маблағи 270 миллион сомонӣ андоз супорида, ба маблағи бештар аз сад миллион доллари ИМА ҳаққи истифодаи қувваи барқро пардохтааст. Маҳсулоти корхона имрӯз ба тамоми талаботи меъёрҳои байналхалқӣ мувофиқ мебошад. Дар ин бора ҷоизаҳои байналхалқии он шаҳодат медиҳанд. Ширкат охири соли гузашта бо ҷоизаи байналхалқии «Корхонаи беҳтарини Аврупо» мукофотонида шуд. Кумитаи Ассамблеяи тиҷоратии Аврупо дар Британияи Кабир ширкати мазкурро барои зиёд кардани истеҳсоли маҳсулоти хушсифат бо мукофоти худ сарфароз гардонд. Илова бар ин соли 2008 Ширкати алюминии Тоҷикистон сазовори ҷоизаи байналхалқии «Сифати олии аврупоӣ» гардид.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
