СОХТМОНИ КИТОБХОНАИ НАВИ МИЛЛӢ

               Душанбе, 29 апрел. (АМИТ «Ховар», Лаззат Диловарзод).- Имрӯзҳо кори сохтмон дар иншооти ҷашнӣ — Китобхонаи миллӣ идома дорад, ки ташаббускори он Президенти кишвар Эмомалӣ Раҳмон аст.               Бунёди китобхонаи нави миллӣ дар майдони 3 гектар замини байни «Кохи Ҷомӣ» ва «Хонаи радио» тарҳрезӣ шудааст. Лоиҳаи ин бино соли 2008 аз тариқи озмун эълон шуда буд. Институти «Гипропром» аз рӯи лоиҳаи кашидаи директории он меъмор С.А. Зуҳуриддинов ғолиб дониста шуд.                Ба истифодадиҳии он дарарафаи ҷашни 20 — солагии истиқлолияти Тоҷикистон пешбинӣ шудааст, ки он маркази калонтарини таълимӣ-иттилоотӣ,фарҳангӣ ва алоқаи телекоммуникатсионии ҷумҳурӣ мегардад.