ТАҶЛИЛИ 10 — СОЛАГИИ АГЕНТӢ ДАР ҲИСОР

                   Душанбе, 29 апрел. (АМИТ «Ховар», Анварбек Сиддиков).- 28 апрел дар ноҳияи Ҳисор дар доираи тадбирҳои бахшида ба 10- солагии Агентии назорати маводи нашъадори назди Президенти Ҷумҳурии Тоҷикистон, бо иштироки ҷавонон ҷамъомади серодам баргузор гардид.   Муовини раиси ноҳия, сардухтури беморхонаи нашъамандон ва намояндаи агентӣ зимни суханрониашон дар бораи таъсири марговари маводи нашъадор ба ҷисми инсон ва тадбирҳои пешгирии истеъмоли он дар байни ҷавонон маълумот доданд. Дар доираи ҷамъомад дар мавзӯи «Мо- ба муқобили нашъа мубориза мебарем» озмуни расмҳои бачагона гузаронида шуд.                    Дар озмун ғолибон муайян карда шуда буданд, ки аз номи агентӣ бо мукофотҳои пулию молӣ сафароз гардиданд. Ба иштирокчиёни ҷамъомад ҳамчунин маълумотномаҳо ва варақаҳои тарғиботӣ тӯҳфа карда шуданд. Дар фарҷоми ҷамъомад гурӯҳи ҳунарпешагони ҳаваскор консерти калон намоиш доданд.                                                                            Тарҷумаи Зебо Иноятова