ТАЙЁРИ БА ИДИ ҒАЛАБА

               Душанбе, 25 апрел. (АМИТ «Ховар», Мавзуна Бойева). — Корхонаи воҳиди давлатии ҳавопаймоии «ТоҷикЭйр» барои сазовор ҷашн гарифтани 65-солагии Ғалаба дар Ҷанги Бузурги Ватанӣ нақшаи чорабиниҳо тартиб дод. Дар асоси нақшаи мазкур гузаронидани ҷамъомади тантанавӣ, воҳӯриҳо ба иштирокчиёни ҷанг, коргарони ақибгоҳ ва ҷанговарони интернационалист бо кормандони корхона ва хонандагони мактаби №16 ба номи Пушкин, ки корхона онро сарпарастӣ мекунад, аёдати оилаҳои ҷанговарони ҳалокшуда, таъмини иштироки собиқадорони ҷангу меҳнат дар чорабиниҳои ҷумҳуриявӣ, ноҳиявию шаҳрӣ, ташкили лавҳаи матну суратҳо бахшида ба рӯзи Ғалаба, расонидани кӯмакпулиҳо, тадбирҳои фарҳангию варзишӣ байни кормандон, ободонии муҷассамаҳои шаҳидони ҷанг ва ҳудуди корхона дар назар аст.