ТАРКИШИ АВТОМАШИНА

                    Душанбе, 10 апрел. (АМИТ «Ховар», Жасмин Назарова). — Рӯзи 9 апрели соли ҷорӣ тахминан соати 17 дар шаҳри Қурғонтеппа автомашинаи «Оpel-Vectra», рақами давлатиаш 21 58 РТ 03 таркид. Дар натиҷаи таркиши баллони газ, ронандаи автомашина ба ҳалокат расид.                    Тибқи иттилои сардори маркази матбуоти Кумитаи ҳолатҳои фавқулодда ва мудофиаи гражданӣ ҶТ Дустмурод Забиров, ронанда, корманди кумитаи мазкур Тоҷиддин Норов, соли таваллудаш 1978, истиқоматкунандаи шаҳри Қурғонтеппа мебошад. Дар садамаи рухдода мусофири автомашина, Садриддин Давлатов бо ҷароҳатҳои вазнин дар беморхонаи марказии шаҳри Қурғонтеппа бистарӣ гардид.