ҲАФТАИ ЁДБУД ДАР ВИЛОЯТИ СУҒД

                         Хуҷанд, 5 май. (АМИТ «Ховар», Санавбар Мақсудова). — Ҳафтаи ёдбуд дар шаҳри Хуҷанд ва вилояти Суғд бо мусобиқаи шоҳмотбозон оғоз ёфт, ки дар он нафақахӯрон, ветеранҳои ҷанг ва собиқадорони меҳнат иштирок менамоянд. Ҳафтаи ёдбуд бо ташаббуси мақомоти иҷроияи ҳокимияти давлатии маҳаллӣ гузаронида мешавад. Дар ташкили он кумитаи кор бо ҷавонон, варзиш ва сайёҳӣ, инчунин, муассисаи давлатии «Маркази ҷавонон» иштирок менамоянд. Мусобиқа ба муносибати 64 — солагии ғалаба дар Ҷанги Бузурги Ватанӣ, 1310 — солагии Имоми Аъзам ва 10 — солагии «Маркази ҷавонон» баргузор мегардад.