ҲУҚУҚИ ИҶРОЧИЁНИ СУД ВАСЕЪТАР ШУД

                    Душанбе,7 май (АМИТ «Ховар», Лаззат Диловарзод).- Бино ба гуфти мудири бахши ташкилии фаъолияти иҷрочиёни судҳои Вазорати адлияи Ҷумҳурии Тоҷикистон А.Ширинов, Қонуни ҶТ «Дар бораи истеҳсолоти иҷро» вазифаҳои иҷрочиёни судро нисбати қонуни қаблӣ васеътар нишон додааст.                      Дар қонуни нав омадааст, ки шахсоне, ки талаботи иҷрочии судро ё ҳуҷҷатҳои иҷроро ба ҷо намеоранд ва ё барои иҷрои он мамоният менамоянд, бо пешниҳоди иҷрочӣ аз тарафи суд ба шахсони воқеӣ ба андозаи аз 3 то 10, ба шахсони мансабдор аз 40 то 50 ва ба шахсони ҳуқуқӣ аз 200 то 300 нишондиҳандаи ҳадди ақал ҷарима карда мешаванд.                     Дар қонуни нав ба иҷрочии суд ҳуқуқ дода шудааст, ки аз шахсони мансабдор ва ҳуқуқӣ дар ҳама бора маълумоти заруриро талаб кунад.