ҶАВОНОНИ БЕКОР БА РУСИЯ ФИРИСТОНДА МЕШАВАНД

                      Қурғонтеппа, 21 май. (АМИТ «Ховар», Мурод Сотиев).- Дар соли ҷорӣ 400 сокини вилояти Хатлон дар хориҷи кишвар бо кор таъмин мегарданд. Ширкатҳои Русия ба муассисаи Воҳиди давлатии «Биржаи меҳнатии ҷавонон» ҳамин қадар дархост пешниҳод намуд.                      Директори биржа Абдурозик Кабутов ба хабарнигори АМИТ «Ховар» хабар дод, ки шартномаҳо барои ҷавонони коргари тоҷикистонӣ байни корхонаҳои коркарду парвариши маҳсулоти кишоварзии вилояти Волгоград имзо карда шудаанд. «Инчунин ба нафароне, ки ихтисоси сохтмонӣ доранд, метавонанд дар сохтмонҳои вилояти Пенза кор кунанд»,- қайд намуд А. Кабутов.