3 МАКТАБИ НАВ МАВРИДИ ИСТИФОДА ҚАРОР ДОДА МЕШАВАД

                     Бадахшон, 13 май. (АМИТ «Ховар», Лутфишо Додо).- Ба бӯҳрони иқтисодию молиявии ҷаҳон, ки ба Тоҷикистон низ асар кардааст, нигоҳ накарда, дар Бадахшон бунёди иншоот чун солҳои қаблӣ идома дорад. Бо маблағи ҳукумат танҳо дар шаҳри Хоруғ имрӯзҳо бунёди Литсейи Президентӣ, Кохи ҷавонон, хобгоҳҳои Донишгоҳии давлатии ба номи М. Назаршоев,- театри вилоятӣ, Донишгоҳи такмили ихтисоси муаллимон идома доранд.                    Тавре мудири шӯъбаи сохтмонҳои асосии мақомоти маҳаллии ҳокимияти давлатии вилоят Муҳаббат Раҳматов иттилоъ дод, рӯзи 8-уми моҳи март ба хотири таъмири Осорхонаи Шириншоҳ Шоҳтемур ва сомони биноҳои нотамоми мактабҳои қишлоқҳои Бодоми ноҳияи Роштқалъа, Лухчи ҷамоати Сағирдашти ноҳияи Дарвоз ва Зумуҷи ноҳияи Ишкошим 320 ҳазор сомонӣ ҷудо карда шуд,- дар маҷмӯъ мегӯяд Муҳаббат Раҳматов ин маблағ 3 миллиону 800 ҳазор сомониро ташкил медиҳад. Биноҳои макотиби номбурда то оғози соли нави таҳсил мавриди истифодабарӣ қарор дода мешаванд.