БЕШ АЗ 5 ҲАЗОР МАКТАББАЧАГОН ДАР ФАРОҒАТГОҲҲО ДАМ МЕГИРАНД

                       Душанбе, 16 май. (АМИТ «Ховар», Лаззат Диловарзод).- Тобистони соли ҷорӣ беш аз 5 ҳазор мактаббачагон дар фароғатгоҳҳои тобистонаи Варзобу Ромит дам мегиранд.                      Тибқи нақша, истироҳати бачагон дар ду баст барои 1 ҳазору 600 нафар хонандагони пойтахт пешбини шудааст, — иброз дошт котиби матбуотии раиси шаҳр Шавкат Саидов. Ҳамчунин беш аз 3 ҳазору 600 нафар хонандагони пойтахт дар лагерҳои мактабӣ фаро гирифта мешаванд.                     Ба гуфти ҳамин манбаъ, фароғати тобистонаи бачагони интернатҳо, бепарасторон ва оилаҳои камбизоат аз ҳисоби маблағи буҷети шаҳр ташкил карда мешавад.