ЧОРВОДОРӢ СОҲАИ ДАРОМАДНОК АСТ

                        Душанбе, (АМИТ «Ховар», Лаззат Диловарзод).- Бино ба маълумоти фаврии Раёсати чорводории Вазорати кишоварзӣ, саршумори чорвою парранда нисбат ба ҳамин давраи соли 2008 18, 7 фоиз зиёд гардидааст.                           — Соҳаи чорводорӣ яке аз соҳаҳои асосии кишоварзӣ буда, аҳолиро бо маҳсулоти озуқа; гӯшт, шир, тухм, асал ва саноатро бо ашёи хом таъмин менамояд,- иброз дошт сардори Раёсати чорводорӣ Музаффар Мирзоев.                          Мутобиқи маълумоти Кумитаи давлатии омор то 1-уми майи соли 2009 дар ҳамаи шаклҳои хоҷагидории ҷумҳурӣ 1793,9 ҳазор сар чорвои калон, аз ҷумла 932,1 ҳазор сар модагов, 4281, 3 ҳазор сар бузу гӯсфанд, 76,9 ҳазор сар асп, 3614, 4 ҳазор сар парранда мавҷуд аст.                          Дар ин давра18,9 ҳазор тонна гӯшт, 113,8 тонна шир, 44727, 5 ҳазор дона тухм истеҳсол гардидааст. Ҳамаи ин рақамҳо бозгӯи онанд, ки даромади аҳолӣ аз ҳисоби чорвою парранда сол аз сол беҳтар мегардад.