ДАР ХУҶАНД 50 ОИЛАИ НАВ БУНЁД МЕГАРДАД
Душанбе, 16 май.( АМИТ «Ховар», Марзия Саидова).-Пагоҳ 17 май дар шаҳри бостонии Хуҷанд маросими тӯйи арӯсии 50 ҷуфт ҷавонони ин шаҳр баргузор мегардад. Ташаббускори ин чорабинӣ Вазорати меҳнат ва ҳифзи иҷтимоии аҳолии ҷумҳурии Тоҷикистон ва намояндагии Кумитаи имдоди имом Хумайнии Эрон дар Тоҷикистон аст. Аз Вазорати меҳнат ва ҳифзи иҷтимоии аҳолии ҷумҳурӣ ба АМИТ «Ховар» иттилоъ доданд, ки чорабинӣ дар доираи таҳкими ҳамкориҳои мутақобилан судманди Тоҷикистону Эрон баргузор гардида, ҳадафи он камхарҷу сарфакорона гузаронидани тӯйҳои хонадоршавӣ аст. Ҳамчунин, баргузории чунин тӯйҳои дастаҷамъона ба амалӣ намудани Қонуни Ҷумҳурии Тоҷикистон «Дар бораи танзими ҷашну маросимҳо дар Ҷумҳурии Тоҷикистон» мусоидат менамояд. Назар ба иттилои раиси намояндагии Кумитаи байналмилалии имдоди имом Хуманӣ дар Душанбе, Сайидҷаводи Разавӣ ба 50 ҷуфт навхонадорон ба маблағи 1,5 ҳазор доллар ҷиҳози рӯзгор тақдим карда мешавад. Ҳамчунин, ба 25 нафар беҳтарин хатмкунандагони курсҳои дӯзандагии Маркази дӯзандагии шаҳри Хуҷанд мошинаи дарздӯзӣ тӯҳфа карда мешавад.
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
