ГЕРОИН ДАР МАҒЗИ БОДОМ

               Душанбе, 5 май. (АМИТ «Ховар», Анварбек Сиддиқов). — Кормандони Хадамоти гумрукӣ назди Ҳукумати Ҷумҳурии Тоҷикистон дар фурӯдгоҳи пойтахт миқдори зиёди героин мусодира намуданд. Ҳангоми ба расмиятдарорӣ ва назорати бору боғоҷи мусофирони ҳавопаймои сайрхати «Душанбе-Москва» шаҳрванди Ҷумҳурии Тоҷикистон ва Федератсияи Руссия Лия Проскряноваи 22 соларо дастгир карданд, ки ба интиқоли ғайриқонунии маводи нашъадор гумонбар шуда буд. Ҳангоми аз назар гузаронидани сумкаи варзишии номбурда, ки дар дохилаш бодом ва ғулинг дошт миқдори 4 кг 214,2 гр «героин» пинҳон карда буд ёфт шуд.             Тавре ба АМИТ «Ховар» аз Хадамоти гумрукӣ назди Ҳукумати Ҷумҳурии Тоҷикистон хабар доданд, нисбати Лия Проскрянова парвандаи ҷиноӣ оғоз гардида, барои тафтишот ба прокуратураи нақлиёти ҷумҳурӣ фиристода шуд.